天才廣播劇 — 英雄一世之項羽
 
最近一次更新日期︰ 14/06/2000

天才廣播劇簡介.對白原稿收錄


[第一幕].[第二幕].[第三幕].[第四幕].[第五幕].[人物鳴謝]


英雄一世之項羽之Q&A時間︰

Q: 呢個廣播劇係幾時o架?
A: 呢個係響中三o個陣時錄o既,o個陣時大約係1989年五月度啦。

Q: 有咩人做o架?
A: 有莊毅啦,黎大狀啦,蟹球啦,窮醉啦,劉教練啦,莊浩然啦,仲有小黑呀!

Q: 故事又講咩o架?
A: 講楚漢相爭中o既主角劉邦係一代名將,但係佢點樣比項羽智取o左佢o既大好江山咯!

Q: 故事又有無老作o架?
A: 當年小黑同窮醉響圖書館搵o左好耐資料o架!梗係有典故啦!

Q: 都無咩特別呀?
A: 呢個係我地當年中文科自己參加o既班際比賽,我地當時都係十三四歲,以為廣播劇就係扮o野比賽,所以個個都唔用正經聲氣,諗番都幾過癮o架!

Q: 剩係係咁咋?
A: 因為當年係1989年,距離而家足足有十年歷史,而家聽番,真係有o的唏噓!仲 有!o個陣時o係89年北京學運,我o地一班o靚仔唔知咩頭咩路,有o的台詞例如 「下台」、「失盡人心」、「愛國無罪」、「雙方關係正常化」、唱國歌等, 都 係o個陣時受到時代影響先至識之嘛!仲有呀,我地中三o的課文內容,例如「氣 宇軒昂,精悍之色猶見於眉間。」、「努力加餐飯」等等,所以好有時代性o架!

Q: 都好似幾正咁 wor!
A: 梗係啦!加上利用先進互聯網技術,即時試聽,真係經典重現呀!