有女士話男人的肚腩其實係好鬼可愛的。為免大家被騙而蒙受損失，我專登找來一批合時令而又成熟肥美的肚腩照一次過給各位食客挑選，唔駛多謝。

老坑呢個半肥瘦，咬落一層肉一層羔，一棚牙穿過不同層次雙重質感衝擊味蕾直入腦袋感官細胞，最上等就係呢隻！	劉教練呢個哩…真係睇紋身就知道！不過呢o的軟林林最合無牙o既婆婆食，用來做紅燒先落油鑊炸佢一勻，等個皮脆口少少咁樣應該會唔錯。
貓承相呢個o拿大家認住喇！雞肋就係指呢類！食又唔夠肉，肥又唔係肥，不倫不類！o徒錢！下次見到即管同部長詐型！	馬程呢o的…要加花椒八角用文火燉番佢五六個鐘，再用煲仔飯果隻瓦煲，鋪一層白菜仔響底，番煲半個鐘上檯。用o的汁送白飯可連下三大碗！
呢個係我小黑o既，係省港車輪霸，有人留o左，唔好意思唔賣！	十鴻呢個無厘特別，不如考慮一下油泡同清蒸兩食。多o的款式同做特價都幾好。