小學畢業相（一九八六）︰小黑十一歲時，小學畢業，企得直一直比人映相。當時我仲係好細粒，成個肥麵包咁。如果 大家留意，企我隔離個人就係張偉， 佢好鬼似黑社會人士，但其實佢由細到大都係好講義氣，係一個正義之人！你睇 大家幾可愛！

小黑呀~！（一九七五）︰呢張相我諗係我最細個的珍藏了！我細個時有一個花名，叫大頭仔。如果你睇完呢幅相，你 就會明點解啦！我當時得一歲咋！我 自己影過呢張相我自己都唔記得，係見到先知咋！

小黑在虎豹別墅（一九七七）︰呢張相係三歲時影既。當時的我肥肥白白幾得意。我仲有印象的，就係當中的那一對 鞋。那對鞋是皮的，我記得係一次著住呢 一對鞋，猛叫自己唔好踩落水度，卒之係踩o左，比呀媽鬧一餐。我剩係記得 呢一件事！睇相先知原來我當時只得三歲咋！

小黑在維園斜樹（一九八二）︰我細個成日去維多利亞公園玩。就係呢一棵樹！我真係以為係我一個人踩斜的。相隔咁 多年，佢都睇住我大，都好多年咯……

小黑在荔園玩船仔（一九七八）︰小黑細個好少去荔園。所以好開心咁玩船仔。殊不知，荔園響即將關閉的最後一個星 期，當我重遊此地時，都係響那個地方 再影一次，以證明一件事︰滄海桑田，事過景遷，但人就係不斷咁成長，始終 時間真係不會留下來等人的。所以要好好咁珍惜每一天！

小黑的童年（一九八一）︰當時的我是在彩雲的親戚家中。以前都是每一年先去一次。唔知點解，有一年新年，臨走時 去影相，就咁我又有一幅細路相啦。始終 人都係細個個樣係天真的。幾可愛o丫！